Mā te pāwhiri i "Accept All Pihikete", e e whakaae ana koe ki te rokiroki pihikete i tō pūrere hei whakarei ake i te whakaterenga pae, te tātari i te whakamahinga o te pae, me te āwhina i ā mātou mahi whakatairanga. Tirohia tā mātou Kaupapahere Tūmataitinga mō ngā kōrero anō.

Ngā Manakohanga Whakakore Whakaae

Te Whare Runanga at Waitangi Treaty Grounds

Me Pēhea te Tae Mai Ki Konei

Te Papa Whenua o Waitangi
1 Tau Henare Drive, Waitangi, Bay of Islands

Mai i Tāmaki Makaurau: He 3 haora pea te roa mā runga motokā mai i Tāmaki Makaurau ki Te Papawhenua o Te Tiriti o Waitangi. Whāia te Huarahi Matua 1 whakateraki ki Whangārei (165km), ka whai i ngā tohu whakateraki ki Kawakawa (e 60 km i tua atu). Mai i reira, whāia ngā tohu ki Pēwhairangi me Paihia (15km). Whāia te huarahi i te taha o te moana mā Paihia ka tae ki te komititanga. Haere tika mā te komititanga, whakawhiti i te piriti ara-tahi, ki Te Papawhenua o Te Tiriti o Waitangi (kei reira he pou tohu).
Mai i Paihia: E 2km te tawhiti o Waitangi i Paihia, he hīkoitanga māmā 25-meneti te roa, he haerenga 2-meneti te roa rānei mā runga motokā.

Mai i Paihia: E 2km te tawhiti o Waitangi i Paihia, he hīkoitanga māmā 25-meneti te roa, he haerenga 2-meneti te roa rānei mā runga motokā.

‍

Te āhei atu

Kei Te Papawhenua o te Tiriti o Waitangi he 16 heketā o ngā taiao rerekē mai i te ngahere māori, ngā papahīkoi, ngā ara, ngā ara whāiti, ngā one, ngā papa pātiti, me te pari takutai. He rōnaki wawaenga tō ngā ara mai i ngā wāhi o runga ki ērā o raro o te papawhenua. He tauwāhi he māmā te āhei atu ahakoa he aha te pakeke, te taumata pakari o te tinana, te kaha nekeneke rānei. He tūru wīra anō ā mātou me ngā rōnaki e wātea ana hei whakamahi, ā, e whakatītina ana kia tukuna mai he pātai, he āwangawanga āhei atu rānei i te wā tāpui, kia takatū ai mātou ki te whakatutuki i ngā hiahia o tō kiritaki ā tōna taenga mai.

NGĀ HOA

He uaua pea te whai wāhi ki ētahi o ā mātou mahi i te papawhenua (pērā i te haerenga ārahi me te whakakitenga ahurea), te toro rānei i nga taonga pērā i te waka ki te kore koe e whai hoa āwhina. He ararewa tō te Kōngahu, te Whare Taonga o Waitangi, i waenga i te roro kei te papa whenua me ngā whare paku kei te papa tuatahi.

TE TOMOPAI MĀ TE TŪRU WĪRA

He tomopai ā-tūru wīra tō te whare taonga o Te Rau Aroha. He tūru wīra hoki ā mātou (100kg te taumaha mōrahi o te tangata) me ētahi rōnaki. Tēnā whakamōhiotia mai ō hiahia i te wā tāpui ka taea ai e mātou te whakarite kia tautokona koe.

Whakatū Waka

Ka kitea te wāhi whakatū waka koreutu i Te Papawhenua o Te Tiriti o Waitangi i waho pū i te tomokanga matua.

Ka wātea he wāhi whakatū waka tāpiri i te Ara o Tau Henare. Ka wātea ētahi tūnga waka mā te hunga hauā i roto i te tūnga waka matua, i te wāhi tino tata rawa ki te tomokanga matua. Ki te hiahia tautoko nekehanga koe mai i te tūnga waka, he tūru wīra ā mātou hei whakamahinga māu. Ko tā mātou e whakatinana ana, me tuku mai ngā pātai, me kōrero rānei i ō āwangawanga i te wā tāpui, kia takatū ai mātou ki te whakatutuki i ō hiahia ā tō taenga mai.