E whakaaturia nei e Ko Waitangi Tēnei koni atu i te 500 atahanga, e ono ngā wheako ataata-rongo rumaki, me ētahi matapā pāhekoheko rahi e rua. E aratakina ana ngā manuhiri mā ngā mahi hītori nei e ai ki te raupapa ā-wā tika, me te aha ka wehe atu i te whare taonga me te whakaohooho ki te huritao i te tikanga o te Tiriti i tēnei rā.

I mua i te hainatanga

Ko te karanga te mea tuatahi ka kite wheakotia e koe i tō hīkoinga ki roto i Ko Waitangi Tēnei. Tūhurangia ngā tauwhitiwhiti tuatahi i waenga i te Māori me te Pākehā. Tirohia ngā kōrero mō Pēwhairangi i tētahi tēpu pūwhitinga matihiko me te ako haere ki te āhua e tauwhitiwhiti ai te Māori ki te ao. Ako mō te tuitui taura here mā ngā mahi tauhokohoko, te mārena, ngā tamariki me te kawenga o te whakapono Karaitiana ki Aotearoa.

I te wā o te hainatanga

Hou atu ki roto i tētahi taiao tēneti rumaki e tohu ana i te hanganga i tū ai ngā kōrerorerotanga, ngā taukumekume kōrero, ka mutu, ko te haina i ngā pepa Tiriti i te 1840. Mātakitia he whakaaturanga o aua taukumekume me te hainatanga – ka whai reo i roto i te tēneti te katoa ngā tāngata matua i whakaae, i whakahē rānei.

Ka kitea i roto i te Rūma Pukapuka ngā pepa katoa i whakaōkawa ai i te hononga i waenga i te Māori me ngā tāngata o Piritene. E whakaaturia ana i tēnei wāhi ētahi tārua tino rawe o te Tiriti o Waitangi me ngā tauira i tukuna ki ngā tōpito o te whenua i te tau 1840, ā, i āta whakamāramahia ngā tino rerekētanga i waenga i ngā tauira e rua, arā te mea Ingarihi me te mea Māori.

E whakarato māramatanga ana ētahi mahi toi e rua e whakaatu ana i ētahi tirohanga mai i ngā taukumekume kōrero ki te āhua e whakaaringia ai te hītori ki te tirohanga kotahi. Hei kīnakitanga ki ngā taonga toi ko tētahi peita kiritangata rahi o Kuini Wikitoria me te korowai o Reihana Taukawau, me te aha ka whakamamahara i te manuhiri he whakaaetanga te Tiriti o Waitangi i waenga i ngā iwi e rua.

I muri i te hainatanga

He mea āta whakaatu ngā tekau tau o te tutū puehu me te kekeritanga i whai i te hainatanga o te Tiriti i te 1840 puta noa i ngā wāhanga whakamutunga Ko Waitangi Tēnei. I rangatira tā Rore me Reiri Bledisloe hoko mai i te Papawhenua o Waitangi i ngā koha nā ngā iwi huri rauna i Aotearoa, tae atu ki ngā taiaha, he tāpare whakairo, me tētahi tūru whakairo whakamīharo – te katoa e whakaaturia nei.

Kitea he taonga mai i te Hīkoi Whenua rongonui o te tau 1975 ki te Pāremata, ā, e whakaatu matihikotia ana e tētahi 'tēpu waka' ētahi atahanga o mua, o nāianei hoki o ngā āhuahira matua e whā o te Papawhenua o Te Tiriti o Waitangi – te Whare Tiriti, te pouhaki, a Ngatokimatawhaorua me Te Whare Rūnanga.

Ka whakatu ana Ko Waitangi Tēnei i ngā mahi i mua i te hainatanga o te Tiriti o Waitangi, i te hainatanga anō, i muri hoki, i runga i te tōkeke me te tūturu, me te whakamahuki i ngā whakahihikotanga me ngā tirohanga o ngā taha katoa. E whakamārama ana te kaituhi me te tumu kōrero a Michael Keith ka pēhea te whakaaturanga e noho ai hei pae hītori nui, he atamira anō hoki mō tētahi hītori e ora ana, e whanake tonu ana.

I te wehenga atu a te manuhiri i te whare taonga ka āhei te huritao ki te hira o te Tiriti i tēnei rā tonu – e ākina ana e ngā kīanga me ngā atahanga e whakapuaki ana i ngā whakaaro o ngā tāngata o Aotearoa, ahakoa ō rātou āhuatanga.