Treaty House
Ko te Whare Tiriti, te whare Pūhipi, te Nohonga o Ingārangi Whānui rainī, tētahi wāhi i tau ai ngā take nui I te hītori o Nīu Tīreni.
The first flag for the nation was chosen here in 1834; the 1835 Declaration of Independence was drafted in the house by James Busby and presented to the northern chiefs; and the Treaty of Waitangi was given its finishing touches here before being read to the chiefs on 5 February 1840.
Te whare hoko tuatahi mā ngā āpiha o te Kāwanatanga o a Piritene
I tapahi tōmuatia te whare tiriti tuatahi i Poihākena, i hangaia ki te rākau mārō nō Ahitereiria, ka kawea mai mā runga kaipuke kia hangaia i te pae nei i te 1834. Ko taua whare he whare noho mō te māngai whai mana o te Kāwanatanga o Piritene i Aotearoa. I roto i te whare i te tau 1840 he pāra (nohomanga rānei), tētahi rūma moe nui, he kauhanga i waenganui, me tētahi rūma kākahu iti. I roto i tētahi whare motuhake ko te kīhini, he rūma rokiroki me te rūma hāwini. I tāpiritia ētahi rūma moe e toru i te 1841 hei nohonga mō te whānau tupu haere o Puhipi.
Nō te whānau Puhipi tonu te whare me tōna pāmu tae rā anō ki te hokonga atu i te tau 1882. I ngā tau e 50 i whai ake kīhai i tiakina te whare, me te aha ka hanga karukaru haere. He mea wehewehe te papawhenua, ka whakatūria ētahi whare i te wā e noho ana a Ngātokimatawhaorua i tēnei wā. Hoianō, i a Kāwana-Tianara Rore Bledisloe rāua ko Reiri Bledisloe e toro ana i Waitangi i te 1932 i runga anō i te tono a te Mema Pāremata a Vernon Reed, ka mīharo rāua ki te hiranga o taua wāhi. Nā rāua te whare me ngā whenua huri rauna i hoko mai, ka takoha atu ki ngā iwi o Aotearoa hei whakamaumahara ā-motu i raro i te Tiriti. I oti he mahi whakarauora nui, tuatahi ake i te tau 1933 i tapaina ai ko te Whare Tiriti, i te tau 1989 anō hoki.
I tēnei rā ka kite koe i ētahi rūma whai kaupapa motuhake me te wāhi whakatau manuhiri i te tomokanga pērā i te tau 1834 i whakamahia ai hei Wharenoho Piritene tuatahi i Aotearoa, hei tari anō hoki mā Hemi Puhipi. E whakaatu ana ngā rūma whai kaupapa e rua i te kōrero o te whānau Puhipi me te āhua o te noho i reira mō Hēmi, Akinihi me ā rāua tamariki. E tūhurahura ana te pāra i tāpiritia ai ngā taipitopito whakaoti ki te Tiriti o Waitangi i te awenga o Puhipi ki te tauira reo Ingarihi me ōna taipitopito whakaoti ki te tauhuringa reo Māori a te Minita Henare Wiremu.
.webp)
